Қырғыз Республикасынан Қазақстан Республикасына кіру кезіндегі электрондық кезекке тіркелу сервисі «CarGoQorgan» (бұдан әрі – Сервис) Қазақстан Республикасына кіруде электрондық кезекті енгізу жөніндегі пилоттық жобаны іске асыруға және тауарларды сүйемелдейтін құжаттармен (Қазақстанда – СНТ, Қырғызстанда – ЭСФ) өзара алмасуға арналған. Бұл Қазақстан Республикасының мемлекеттік кірістер органдарына және Қырғыз Республикасының салық қызметіне электрондық кезекті брондау сатысында тауарлардың жоспарланған орын ауыстыруы туралы ақпарат алуға мүмкіндік береді.

Сервиске қол жеткізу мына тұлғаларға беріледі:

Тасымалдаушыларға – жеке немесе заңды тұлғалар, егер олар Сервисте Пайдаланушы келісіміне қол қойған болса

Қазақстан Республикасының мемлекеттік кірістер органдарына және Қырғыз Республикасының салық қызметіне – қызметкерлер тізімі Сервис регистраторының атына жолданған ілеспе хатпен ұсынылған жағдайда

Сервиске қол жеткізуді қамтамасыз етуді Қазақстан Республикасы Қаржы министрлігінің қарамағындағы «Ақпараттық-есептік орталығы» акционерлік қоғамы (регистратор) Қазақстан Республикасы Үкіметінің 2008 жылғы 24 сәуірдегі № 387 қаулысына сәйкес жүзеге асырады.